د افغانستان علومو اکاډمۍ او يو شمېر امارتي پوهنتونونو د نورستان پوهنتون له عمومي کتابتون سره د (١٢٦١)جلده کتابونو مرسته وکړه!

د افغانستان علومو اکاډمۍ او يو شمېر امارتي پوهنتونونو د نورستان پوهنتون له عمومي کتابتون سره د (١٢٦١)جلده کتابونو مرسته وکړه!

د نورستان پوهنتون رهبرۍ او د کتابتون عمومي مدير په هلو ځلو د افغانستان علومو اکاډمۍ، کابل پوهنتون، ننګرهار پوهنتون، کابل پولي تخنيک پوهنتون، کونړ سيد جمال الدین افغاني پوهنتون او د دې ترڅنګ د کونړ پوهنتون علمي څېړنو مرستيال پوهنوال دکتور سيد اصغر هاشمي او د ملک يو شمېر نورو علمي شخصیتونو د نورستان پوهنتون له عمومي کتابتون سره (١٢٦١) جلده کتابونو مرسته وکړه. په يادو کتابونو کې د دیني، ساينسي او ټولنيزو علومو برخو کتابونه شامل دي، چې د مسؤلينو په وينا یاد کتابونه به د مطالعې او درسي موادو په برخه کې د محصلانو ډېرۍ اړتياوې حل کړي. د نورستان پوهنتون مسؤلینو د مرسته کوونکو پوهنتونونو او اشخاصو څخه د کتابونو مرستې له امله کور ودانی او مننه وکړه او همداراز يې ترې وغوښتل چې په راتلوونکي کې هم د نورستان پوهنتون کتابتون سره د کتابونو په برخه کې خپلو مرستو ته دوام ورکړي. ياد کتابونه د علمي او محصلانو مرستيال استاد عبدالله عابد او مالي او اداري مرستیال ش.يخ م.ول.وي صديق الله سباوون په لاسونو د دوه ګونو پوهنځيو رئيسانو په شتون کې د پوهنتون عمومي کتابتون ته وسپارل شول.

سرچينه: د نشراتو او عامه اړيکو لوی مديريت