د نورستان لوړو زده کړو مٶسسې محصلينو ته (۳) ورځنى فکري او معلوماتي سمينار پيل شو!
د نورستان لوړو زده کړو مٶسسې محصلينو ته (۳) ورځنى فکري او معلوماتي سمينار پيل شو!
چهارشنبه، ۱۴۰۴هـ.ش، چنګاښ ۴مه
د نورستان لوړو زده کړو مٶسسې محصلينو ته د الصارم فکري او فرهنګي ادارې او د مٶسسې په ګډه همکارۍ درې ورځنى فکري او معلوماتي سمينار د ولايت مقام غونډو په تالار کې پيل شو.
د سمينار په لومړۍ ورځ په سمينار کې د مٶسسې رهبرۍ غړو سربېره مرستيال والي او بېلابېلو علماء کرامو برخه اخيستې وه، چې په مختلفو فکري او معلوماتي موضوعاتو يې ويناوې وکړې.
سمينار د قرآن الکريم په مبارکو آياتونو سره پيل شو، چې د مٶسسې په استازيتوب مالي او اداري چارو مرستيال مولوي صديق الله سباوون هر اړخيزه او له معلوماتو ډکه وينا وکړه.
نوموړي د اسلامي نظام ملاتړ په اړه هم خبرې وکړې او زياته يې کړه، چې فزيکي اشغال پاى ته رسېدلى او د فکري اشغال رېښې هم بايد له مينځه يوړل شي؛ پدې برخه کې ځوانانو او محصلينو ته پکار ده، چې بايد ځانونه په فکري او عقيدوي لحاظ له اسلامي اصولو سره سم برابر کړي.
ياد سمينار، چې نن پيل شو، درې ورځې به دوام وکړي او د بېلابېلو علماء کرامو له لورې به په مختلفو فکري او معلوماتي موضوعاتو باندې هر اړخيز معلومات وړاندې شي.
سرچينه: د نشراتو لوى مديريت
