نورستان لوړو زده کړو مٶسسې له استادانو سره ګډه مشورتي ناسته وشوه!
يکشنبه، 1404هـ.ش، وري، 17مه
د نورستان لوړو زده کړو مٶسسې رهبرۍ غړو د مٶسسې رئيس پوهنيار قاضي خالد صداقت پر مشرۍ د دوه ګونيو پوهنځيو له استادانو سره ګډه مشورتي ناسته ترسره کړه.
ياده مشورتي ناسته، چې د مٶسسې په انګړ کې ترسره شوه، پکې د يو لړ مهمو موضوعاتو تر څنګ پر روان درسي بهير او پر وړاندې يې په پرتو ستونزو او خنډونو باندې د ګډونوالو له لورې نظرونه سره شريک شول.
په پاى کې د علمي او محصلانو چارو مرستيال پوهنيار حبيب الرحيم شينواري د مٶسسې استادانو او زده کړېالانو ته د غوره درسي چاپيريال په برابرولو کې د همکارۍ ډاډ ورکړ.
سرچينه: د نشراتو لوى مديريت
