د نورستان پوهنتون په تدريسي خونو کې انټرنيټي خدمات فعال او ګټې اخيستنې ته وسپارل شول!
د نورستان پوهنتون په تدريسي خونو کې انټرنيټي خدمات فعال او ګټې اخيستنې ته وسپارل شول!
د نورستان پوهنتون دوه ګونو (شرعياتو او ښوونې او روزنې) پوهنځيو په تدريسي خونو کې انټرنيټي خدمات فعال او ګټې اخيستنې ته وسپارل شول.
د پوهنتون مسؤلينو په وينا چې د یادو خدماتو په فعالېدو سره به د استادانو او محصلينو انټرنيټي ستونزې حل او تدريسي موادو ته به يې لاس رسی اسان شي.
بايد وويل شي چې د شاو خوا (۱) يو ميلیون افغانيو په ارزښت ياد انټرنيټي خدمات څو کاله وړاندې د پوهنتون په رياست مقام او اداري خونه کې فعال وو، چې اوس د پوهنتون رهبرۍ او په خاصه توګه د پوهنتون عمومي رئيس ښاغلي استاد حميدالله عابد په هلو ځلو او د لوړو زده کړو قدرمن وزارت په ځانګړي شفقت سره په تدريسي خونو کې هم فعال او ګټې اخيستنې ته وسپارل شول.
نېټه: شنبه
۱۴۴۷هـ.ق، جمادی الثاني ۱مۍ
۱۴۰۴هـ.ش، ليندۍ ۱مۍ
سرچينه: د نشراتو لوی مديريت
