د نورستان لوړو زده کړو مٶسسې زده کړېالانو او اداري کارکوونکو ته د اسلامي نظام پر واړندې بغاوت تر سرليک لاندې يو ورځنى سيمينار وړاندې شو!
د نورستان لوړو زده کړو مٶسسې زده کړېالانو او اداري کارکوونکو ته د اسلامي نظام پر واړندې بغاوت تر سرليک لاندې يو ورځنى سيمينار وړاندې شو! سه شنبه، ۱۴۰۴هـ.ش، غويي ۲۳مه د نورستان لوړو زده کړو مٶسسې دعوت او ارشاد آمريت له لورې د مسلکي زده کړو په پرامختيايي مرکز کې د ښوونې او روزنې پوهنځي د تاريخ او جغرافيه او پښتو څانګو دويم سمستر زده کړېالانو او اداري کارکوونکو ته د اسلامي نظام پر وړاندې بغاوت تر عنوان لاندې يو ورځنى سيمينار د نورستان ولايت ابتدائيه محکمي رئيس شيخ الحديث والقرآن سيد احمد احمدي په مرسته وړاندې شو. د سيمينار پيل د معمول سره سم د قرآن الکريم په مبارکو آياتونو سره وشو، چې د پرانيستې وينا يې د علمي او محصلانو چارو مرستيال پوهنيار حبيب الرحيم شينواري له لورې ترسره شوه. پوهنيار حبيب الرحيم شينواري په خپلو خبرو کې محصلين او اداري کارکوونکي وهڅول، چې بايد په داسې ورته ټولو سيمينارونو کې په پوره علاقې سره ګډون وکړي او خپله پوهه نوره هم زياته کړي. ورپسې د نورستان ولايت ابتدائيه محکمي رئيس شيخ الحديث والقرآن سيد احمد احمدي د سيمينار ګډونوالو ته د اسلامي نظام پر وړاندې بغاوت په موضوع هر اړخيز معلومات وړاندې کړل او ويې ويل، چې د اسلامي نظام پر خلاف هر تخريب کوونکى او بغاوت کوونکى عمل جرم او ګناه يې کبيره ده او بايد مونږ ټول مسلمانان له داسې اعمالو څخه ډډه وکړو او نور چاته هم د ورته اعمالو د ترسره کولو اجازه ورنکړو. همدارنګه نوموړي د اوسني او تېرو اسلامي نظامونو پر وړاندې د بغاوت کوونکو د تباهۍ د يو څو نمونو وړاندې کولو سربيره د سيمينار ګډون کوونکي د اوسني اسلامي نظام ملاتړ ته تشويق کړل، چې دا د هر مسلمان ايماني دنده ده. په پاى کې د دعوت او ارشاد آمريت مبلغ مفتي حزب الله ناصر د دعاء تر څنګ د سيمينار واړندې کوونکي څخه مننه هم وکړه. سرچينه: د نشراتو لوى مديريت
