د نورستان لوړو زده کړو مٶسسې استادانو او اداري کارکوونکو ته (۳) ورځنى روزنيز سمينار پيل شو!
د نورستان لوړو زده کړو مٶسسې استادانو او اداري کارکوونکو ته (۳) ورځنى روزنيز سمينار پيل شو!
دوشنبه، ۱۴۰۴هـ.ش، چنګاښ ۲۳مه
د نورستان لوړو زده کړو مٶسسې استادانو او اداري کارکوونکو ته درې ورځنى روزنيز سمينار د نورستان لوړو زده کړو مٶسسې او ننګرهار پوهنتون د ګډو همکاريو پر اساس د ياد پوهنتون ځينو استادانو له لورې د مٶسسې په (PDC) مرکز کې پيل شو.
د سمينار په پيليزه وينا کې د مٶسسې رئيس پوهنيار قاضي خالد صداقت له ننګرهار پوهنتون څخه راغلوو استادانو ته د ښه راغلاست تر څنګ د ننګرهار پوهنتون له رهبرۍ او استادانو څخه مننه وکړه، چې خپل ارزښتناک وخت او پاملرنه يې د مٶسسې علمي ودې لپاره ځانګړې کړې.
پدې درې ورځني روزنيز سمينار کې به د کيفيت لوړاوي په اساسي معيارونو، مراحلو او ورته نورو علمي موضوعاتو باندې د سمينار ګډونوالو ته د راغلوو استادانو له لورې بشپړ او هر اړخيز معلومات وړاندې شي.
د سمينار په نننۍ ورځ د ننګرهار پوهنتون د علمي چارو مرستيال پوهنوال احسان الله ناصح د کيفيت لوړاوي په ارزښت او اهميت باندې لنډه وينا وکړه، چې ورپسې د ننګرهار پوهنتون کمپيوټر ساينس پوهنځي رئيس پوهنوال علي جان عادل د سمينار ګډونوالو ته د کيفيت لوړاوي پر يوولس ګونو معيارونو باندې پوره او هر اړخيز معلومات ورکړل او زياته يې کړه، چې د يادو معيارونو په نظر کې نيولو سره کولاى شوو، چې د کيفيت لوړاوي پړاوونو ته لاس رسى اسانه کړو.
سرچينه: د نشراتو لوى مديريت
